Ciimtol

Ko ñande 1 lewru duujal e hitaande 2020 ngalɗoo Tammborgal Hattaneeji Winndere paytuɗi e Fayndaare Ɓamtaare Duumiinde (FƁD) waɗaa e ɓoggol weeyo (internet),

Ko fotde wonde duuɓi tati (3) ngalu ene yiilee e ko ene wona lebbi jeegom(6) kadi wittooji ina mbaɗee ngam ƴeewde mbele yuɓɓo tuufnde ndee(Site) ene jaɓee.E ko yanti heen kadi,wonii fotde lebbi jeegom(6) tuugnorgal golle tuufnde ndee ene gollee, ɗuum fof noon ko mbele engal holliree ,tawii ko e yeeso ɓeto e hoolkiso.

Emin njetta rendidiiɓe amen golle sabu hoolaare nde ndokki min e sabu wasiyaaji maɓɓe nafooji. Min ngoni e ooɗoo sahaa ko e daawal heɗaade yimɓe woɗɓe ɓee e jiyanɗe mumen e wasiyaaji mumen,sabu ko ɗuum waawi gaddanaade min janngo naattingol tammborgal tonngoode 2.0 ngal e ɓoggol weeyo(internet).Kadi maa ɗuum wallu tammborgal ngal ɓeyditoraade miijooji kesi e waawde ɓeydude jokkondiral moƴƴal e njeñtudi keewndi,timmitinoori golle.

Emin teskii binnditaangol ngol ene ɓeydoo,ɗuum waɗi min yaakoraade eko fayi arde maa ɗum ɓur ɗoon, Ko ɓuri teeŋtude tan ,ko gaccule pelle gonɗi e nder leyɗeele ɗi e gonɗi e winndere ɗi kadi juɓɓule ɓadiiɗe e yimɓe yarlitiiɓe ɓee ngoni sabaabu haa ndeeɗoo eɓɓoore ɓeydii yaajnude calɗi muuɗum. E ooɗoo sahaa jooni, doggol yimɓe naatɓe ɓee ene foti yuɓɓineede haa feewa ,sabu ɗuum ko ɓe dillooɓe e geɗe ɓamtaare duumiinde, eɓe poti tinde nafoore e ngartam ngonɗam heen ɗam.Ko ɗuum rokkata tammborgal ngal (plate-forme)doole waawde fooɗtude yimɓe dillooɓe e eɓɓooje,yiilotooɓe hattaneeji golle e walleede e ngalu.

Min ngudditii gollondiral hakkunde amen e tammborgal goɗngal toppitiingal yiilaade ngaluuji, Gollondiral ngal maa fuɗɗo ko ɓooyataa.Ko wonaa ɗuum ko,ma min ngaddu ko fayi arde yoga e kuutorɗe ballitooje e fannu jiilgol eɓɓooje.

 

Miisel Boomaan

Hooreejo fedde Tummbudu(Lahal ñaamde)) Winndere THE MEAL International – www.the-meal.net