HOLI MINEN ?

Ndarnde Tummbudu (bottaari) Winndere /« THE MEAL INTERNATIONAL » e denndaangal lay-layti (gacculi) hattaneeji golle hannde :

• Fedde Tummbudu(Lahal ñaamde) Winndere / THE MEAL INTERNATIONAL ko njuɓɓudi njooɗiindi to Seneef wuro laamorgo leydi Siwiis gila hitaande 1999 .Gila ndeen e kala hitaande, fedde ndee ene yuɓɓina ñalnde ngam hawritinde yimɓe heewɓe e waɗde ndefuuji fulɓe cosaan,tawi defetee heen ko geɗe ummiiɗe e ndema e ngaynaaka.Ñande heen ko ñalawma wuurtinde finaa-tawaa fulɓe to golle ndema e awo e ngaynaaka .Kadi sabaabu bottaari ndi ko ngam hirjinde remooɓe e awooɓe e aynaaɓe e gollanaade ɓamtaare duumiinde ; e daraade e heblude janngo men ɓurɗo moƴƴude,ɓurɗo heewde jam e haaranduru.

Ko juɓɓingol hono ɗiiɗoon ñalɗi noon, rokki fedde Tummbu (Lahal ñaamde)Winndere fartaŋŋe waawde wallitde eɓɓooje keewɗe : diiwaaniyankooje e eɓɓooje hakkunde dowlaaji.

• Ndiiɗoo njuɓɓudi heblata ko ɓamtaare e kumpital e nder tufnde enternet nde nganndu-ɗaa ko boowal pottital mbaawkaaji e karalleeje e hattaneeji golle limti-limtinɗi,keewɗi.
• Ko ndeeɗoon tuufnde enternet inniraande « Inform-e-net » woni tammborgal golle ɗe (plate-forme). Kadi won goomu biyeteeɗo jeeje(Salutions) ene adda heen ballal mum e kala sahaa.
• Ko fotde nokkuuji 60 taweteeɗi e nder ko ene wona doŋe nay (4), mballondirta gollaade e fawaade e payndaale ɓamtaare dumiinde nde.

Ko biyeteeɗo Misel Boomaan, Hooreejo fedde Tummbudu/(Lahal ñaamde) Winndere,kañum e goomu mum ngaddi miijo ndiiɗoo ndaɗɗudi golle. Misel Boomaan ko nulaaɗo jooɗaniiɗo pelle to fedde dowlaaji dentuɗi ONU/ecosoc e fedde nde wonaa laamuyankoore wiyeteende ONG IGFM-ISHR-SIDH nde ñiiɓirde mum woni e wuro wiyeteengo Farankfort-DE to leydi Almaañ. Kanko Misel e ooɗoo sahaa hannde ko kanko woni cukko hooreejo kadi kalfinaaɗo peŋgal jooɗaniingal njuɓɓudi ndii e nokku biyeteeɗo Siwis Romaan ,e nder leydi Siwis.Ko kanko kadi woni hooreejo mooɓondiral pelle ɗe ngonaa laamuyankooje (ONG) daraniiɗe ɓamtaare duumiinde ;kadi ko o dariiɗo laŋ e kala ko abbitii e ko wallata yettinde payndaale happu hitaande 2030 huccanaande nde. Woni sabaabu waɗde ngalɗoo desorde keɓe,ko yiɗde timminde e siynude eɓɓooje ɗee e rokkude denndaangal hattaneeji golle ɓadiiɗi ɗi faayiida mumen.

Wallidiiɓe amen Tummbudu(bottaari) Winndere :

Minen e halfinaaɓe amen jokkondiral ɓee,min ngoni ko e jokkondiral duumingal :

• To doŋre Asii e funnaange worgo : CSRC dental jooɗaniingal ko ene ɓura pelle 80 ,ko hono noon kadi min jokkondiri e fotde 50 catal to leydi Nepaal http://www.csrcnepal.org/
• To leydi Enndo : Ektaparishad (Dillere daraniinde yooltude hakkeeji joom leyɗeele en,remooɓe e awooɓe e aynaaɓe e reende ngaluuji iwɗi e leydi) : Fuɗɗunooɓe waɗde seppo mawnngo inniraango JAI JAGAT 2020 https://www.jaijagat2020.org/ http://ektaparishad.com/
• To Amerik bannge worgo : Fedde Urabá Global Suisse-Colombie (fedde daraniinde wallude yimɓe waasɓe walla wonɓe e ngonka muuska) https://www.facebook.com/urabaglobal5/
• To Afrik : AVD (Fedde Yarlitaniiɓe Ɓamtaare Duumiinde) ko fedde halfinaande jokkondiral e Tummbudu(bottaari) Winndere wonande Afrik - kalfinaaɗo jokkondiralko :Aadama Soh http://www.avd-monde.org/
• Jokkondiral kuuɓtidingal e Doŋre Orop : Ass(Ballal laamu paytungal e yimɓe jooɗiiɓe ɓe ndeñaani tawo golle) . Tummbudu (Lahal ñaamde) Winndere http://the-meal.net/le-message/

 

• Tummbudu Winndere dañiino wallude fedde ene wiyee AALUDERE ƁOKKI (Graine de Baobab) to leydi Burkinaafasoo e hitaande 2021. Pelle keewɗe e juɓɓule e gacculi (Réseaux) e pelle goɗɗe,ene njoginoo heppere nde mbaɗantee hono ngalɗoo desorgal keɓe(base de données) mbele eɓe mbaawa rentinde hattaneeji golle fof e nder eɓɓooje maɓɓe ɓadiiɗe, gonɗe e golleede e jogorɗe golloyeede ɗee kala .

Enim kuccina njettoraaji amen mawɗi fayde e Saŋ Faabra, gonnooɗo cukko hooreejo Tuugnorgal Dowlaaji Dentuɗi paytungal e ɓamtaare,tuggi hitaande 1998 haa 2008, sabu ɓataake makko bismaango mo o neldunoo e hello adano e ndeeɗoo tuufnde enternet. Ko hono noon kadi,min kuccinirta njettoor fayde e Eskoloyee e Piyeer e Annderees e Mariyaa sabu fulo ngo ɓe mbaɗani en e ɗemngal Engele e ɗemngal Farayse.Eɗen njetta kadi Antonee Kalderon golloowo e njuɓɓudi toppitiinde faggudu renndo et ballondiral e biyeteeɗo Senewiyeef Morand,sabu wasiyaaji maɓɓe paayodinɗi.